Test: Geely Atlas Pro: Mirë se vini në realitetin e ri

Trendi i prezantimit të markave të reja kineze gjatë viteve të fundit në tokën e Evropës Perëndimore nuk e anashkalon as tregun e Maqedonisë të automobilave, kështu që automobilat nga vendi më i populluar në botë shihen gjithnjë e më shpesh në rrugë. I fundit në radhë është Geely, prodhuesi kinez i automobilave i cili para pak kohësh ka ardhur në tregun tonë.

Për t’i bërë gjërat më të qarta

Me siguri ju pyetni veten se çfarë është Geely dhe çfarë e bën atë kaq të veçantë në kuadër të industrisë globale të automobilave? Kompania u themelua në vitin 1986, aktiviteti kryesor i së cilës është prodhimi i pjesëve për frigoriferë dhe sisteme ftohjeje, ndërsa në vitin 1997 u transformua tërësisht dhe u bë prodhuesi i parë privat i automobilave në Kinë.

Që atëherë, rritja e kompanisë ka qenë pothuajse e pandalshme, duke rritur vazhdimisht portofolin e saj duke blerë shumë marka ekzistuese automobilash, por edhe duke krijuar lojtarë krejtësisht të rinj në këtë sferë. Dhe kështu, kompanitë që janë në pronësi të saj punojnë të ndara në disa degë. Geely Auto Group është përgjegjës për automjetet Geely Auto, Lynk&Co, Geometry, Livan dhe Proton. Më pas është Volvo Car Group, nën ombrellën e së cilës punojnë Volvo dhe Polestar.

Jo më pak e rëndësishme është edhe pjesa e Zeekr Intelligent Technology, i cili është përgjegjës për Lotus, Zeekr dhe LEVC (taksi e famshme në Londër). Automjetet e SMART-it janë në një segment të veçantë, ndërsa një pjesë e pandashme e grupacionit janë Farizon dhe Radar Auto, të cilat përfaqësojnë programin e rëndë, transportin me autobus dhe automjetet për përdorim komercial. Rreth 20.000 personash janë të punësuar në qendrat e hulumtimit dhe zhvillimit të kompanisë Geely që gjenden në Guangzhou, Hangzhou, Ningbo në Kinë si dhe Goteborg në Suedi dhe Coventry në Mbretërinë e Bashkuar. Kompania gjithashtu ka 5 qendra të dizajnit të vendosura në Barcelona, Goteborg, Milano, Shanghai, Coventry. Përveç markave të veta, Geely vazhdimisht investon në blerjen e aksioneve të disa kompanive evropiane të automobilave, siç është shembulli i kompanisë gjermane Daimler, ku ata kanë pothuajse 10% të pronësisë dhe pjesëmarrje prej 17% të aksioneve në kompaninë britanike Aston Martin. Një fakt interesant është se Geely është marka e parë kineze e automobilave që ka shitur 10 milionë automjete dhe ka qenë marka më e shitur e automobilave në Kinë për pesë vjet rresht. Shpresojmë se me këto informacione kemi bërë të qartë se për çfarë lloj mega korporate bëhet fjalë dhe çfarë lloj resursesh ka në dispozicion.

Klasika nuk del kurrë nga moda

Nga jashtë, Atlas Pro duket si një automjet terreni (SUV) i dizajnuar në mënyrë klasike me madhësi të mesme, ndërsa prodhuesi thotë se ky model në fakt është krijuar sipas parimit të të ashtuquajturit korrelacioni i artë. Me fjalë të tjera, marka luan në një kartë të sigurt, duke mos dashur që me modelin e saj debutues të lërë përshtypje agresive. Për këtë arsye, filli kryesor gjatë dizajnimit të karrocerisë me siguri nuk ka qenë stili sportiv. Këtu, linjat dinamike zëvendësohen me lëvizjet fluide që krijojnë formën e të gjithë pamjes së jashtme. Qasja konservatore ndaj stilizimit sjell me vete anët pozitive, dhe një prej tyre është se dukja e sofistikuar dhe e përmbajtur nuk do të vjetërsohet shpejt dhe nuk do të dalë nga moda tashmë pas disa vitesh.

Një rol dominues në pjesën e përparme luan grila e rrumbullakosur e radiatorit ftohës me të ashtuquajturën shprehje të stilit “Cosmos, në pjesën qendrore të së cilës është stampuar logoja e kompanisë. Silueta anësore është maksimalisht e përqendruar me linja të qarta që krijojnë proporcione të vërteta të një SUV-i. Bandazhet e lehta metalike në të cilat vendosen gomat 225/60 R18 janë në harmoni me tonalitetin. Në pjesën e pasme, Atlas Pro mban një shprehje delikate dhe qetësuese që rrumbullakos në mënyrë jo imponuese tërësinë elegante të modelit SUV me gjatësi prej 4,544 mm.

Niveli më i lartë

Në specifikimin e modelit Atlas Pro është shkruar emri Flagship, i cili është gjithashtu e vetmja pako pajisjesh që është në dispozicion në tregun tonë. Në praktikë, kjo do të thotë se gjithçka që mund të imagjinoni për momentin vjen si pjesë e pajisjeve standarde, duke përfshirë këtu edhe teknologjitë e avancuara të sigurisë si dhe sistemet aktive të asistencës gjatë vozitjes. Të gjitha stereotipat për automobilat kinezë rrënohen në kabinë. Brendësia duket mjaft tërheqëse dhe me një përpunim dhe cilësi mbi mesataren e materialeve të përdorura, do të lejojmë veten të themi se ndjenja është pothuajse luksoze.

Ulëset janë të profiluara mirë dhe të mbuluara me eko-lëkurë cilësore. Konsola qendrore është dizajnuar dhe bërë praktikisht në dy nivele, kështu që në pjesën e poshtme ka një hapësirë për të mbajtur një telefon të mençur që mund të karikohet me valë. Përpara shoferit është vendosur në dispozicion një ekran digjital 7 inç për të prezantuar informacionet primare dhe sa i përket sistemit multimedial, bëhet fjalë për një ekran 12.3 inç i ndjeshëm në prekje që fatkeqësisht nuk ka lidhje me Android Auto dhe Apple Car Play, por ka një aplikacion të instaluar të sistemit që mundëson lidhjen dhe projektimin e përmbajtjes nga telefoni i mençur në ekranin multimedial. Në stolin e pasmë ka më shumë hapësirë ​​edhe për udhëtarët më të gjatë, komoditeti deri diku shkon në kurriz të bagazhit, i cili ka një vëllim bazë prej 378 litrash. Madhësia e tij nuk është në krye të klasës, por plotëson plotësisht nevojat e një familjeje mesatare, para të gjithash për shkak të formës së tij së drejtë katrore.

Hibrid dhe 4×4 lëvizje

Modeli Atlas Pro vjen në tregun tonë me vetëm një opsion motori që është zhvilluar në bashkëpunim të ngushtë me Volvo. Bëhet fjalë për një turbo motor benzine me tre cilindra ​​me vëllim 1477 prej cm3 me fuqi prej 177 kuaj-fuqi dhe një çift rrotullues maksimal prej 255 Nm. Ky motor hibrid është në përputhje me trendët në industrinë e automobilave dhe përdor një sistem 48V EMS (Electric Motor Synergy) dhe një bateri të vogël litium-jon për të ruajtur energjinë elektrike. Sepse bëhet fjalë për një kombinim hibrid në kushte të kombinuara ideale, ky grup fuqie mundëson një fuqi prej 190 kuaj-fuqi dhe një çift rrotullues maksimal prej 300 Nm tashmë gjatë 1500 rrotullime në minutë.

Kjo do të thotë se sistemi në regjime të caktuara të drejtimit përmirëson dinamikën e përshpejtimit të automjetit, para të gjithash falë çiftit rrotullues shtesë prej + 45 Nm, dhe në të njëjtën kohë mundëson edhe deri në 15% harxhim më të ulët të karburantit. Bateria rimbushet automatikisht nga motori me djegie të brendshme dhe nëpërmjet rikuperimit të energjisë gjatë frenimit. Duke pasur parasysh se motori është zhvilluar në bashkëpunim të ngushtë me Volvo-n, vërehet se njohuritë e markës suedeze janë përdorur edhe gjatë konstruimit të lëvizjes me të gjitha rrotat, si dhe marshi automatik me lidhëse të dyfishtë dhe 7 shpejtësi.

Kjo do të thotë se Atlas Pro ka gjithashtu katër mënyra drejtimi (Eco, Comfort, Sport dhe Off-road) që i zgjidhni me anë të një ndërprerësi në konsolën qendrore. Në thelb, transmetimi i fuqisë drejt pjesës së poshtme kryesisht kalon përmes boshtit të përparmë, por nëse është e nevojshme, sistemi rishpërndan automatikisht çiftin rrotullues midis rrotave të përparme dhe të pasme, gjë që përmirëson performancat në kushte të pavolitshme të motit, si dhe gjatë lëvizjes jashtë rrugëve të asfaltuara. I gjithë sistemi funksionon në mënyrë mjaft efikase për një automjet me këto dimensione dhe peshë mbi 1700 kilogramë.

Përshpejtimi nga 0-100 km/h zgjat 9,9 sekonda, shpejtësia maksimale është e barabartë me 200 km/h, ndërsa prodhuesi thotë se mesatarisht për çdo 100 kilometra të kaluar nevojiten 6,8 litra, në praktikë shpenzimi i karburantit shkon në zonën e 9 litrave, që është një arritje më se e kënaqshme për shumicën e shoferëve. Kompania Geely me Atlas Pro synon në radhë të parë komoditetin e drejtimit, por nuk mungon as shkathtësia, e cila shprehet përmes sjelljes solide gjatë drejtimit nëpër kthesat. Në përgjithësi, ai ka dinamikë të integruar mjaft mirë të drejtimit. Manovrimi në kushtet e qytetit është jashtëzakonisht i thjeshtë dhe i lehtë, ndërsa në destinacione të gjata komfori shprehet plotësisht.

Skepticizmi që ekzistonte për një kohë të gjatë midis evropianëve për automjetet që vinin nga Kina po zbehet ngadalë, por me siguri, përparimi në të gjitha fushat është i dukshëm dhe automobilat kanë arritur nivelin në të cilin janë prodhuesit e tjerë të botës. Paragjykimet janë pjesë e së shkuarës dhe është për të pritur se me çdo gjeneratë të re të modeleve do të vijnë lojtarë gjithnjë e më seriozë. Këtë e konfirmon edhe Geely, e cila paralajmëron edhe disa modele tërësisht të reja që i presim së shpejti në vendin tonë.

Të dhënat teknike për Geely Atlas Pro 1.5T 48V EMS AWD

Çmimi i modelit të testuar: 32.490 Euro

Geely Atlas Pro në Maqedoni

Më shumë informacione në Delfino Mobiliti Grup ose në www.geely-see.com/mk

Konkurrentët

Chery Tiggo 7 Pro	prej 31.500 deri në 33.800 Euro
MG HS / EHS	prej 25.000 deri në 35.000 Euro
Haval H6 / H6 HEV	prej 37.000 deri në 44.400 Euro

СИТЕ ПРАВА ЗАДРЖАНИ-НИТУ ЕДЕН ДЕЛ, ТЕКСТ ИЛИ ФОТОГРАФИЈА НЕ СМЕЕ ДА СЕ РЕПРОДУЦИРА ИЛИ ДИСТРИБУИРА НА БИЛО КОЈ НАЧИН И НА БИЛО КОЈ ЈАЗИК БЕЗ ПРЕТХОДНА СОГЛАСНОСТ ОД РЕДАКЦИЈАТА НА АВТО ПЛУС. НОСИТЕЛ НА АВТОРСКИТЕ ПРАВА ВРЗ ТЕКСТОТ И ФОТОГРАФИИТЕ Е АМПТЕАМ ДООЕЛ.