Opel Mokka e re shkëlqen me ngjyrat e reja

Moderne, kompakte dhe me elementë shtesë stili – kjo është Opel Mokka.

SUV-i popullor i Opel-it ka pasur gjithmonë një karakter të fuqishëm dhe kohët e fundit është pasuruar edhe më shumë. Kjo nuk është vetëm për shkak të dizajnit të përmirësuar, por edhe për shkak të tre ngjyrave të reja shtesë të karrocerisë që tani janë në dispozicion për Mokka-n. Ato e bëjnë vërtet këtë SUV kompakt të dallohet. Ngjyrat metalike e kaltër Kolibri dhe e gjelbër Tropikal, të dyja të krijuara ekskluzivisht për Mokka-n, si dhe ngjyra gri Graphik sigurojnë që Mokka e re do të vazhdojë të tërheqë vëmendjen. Sidomos kur ngjyrat e pagabueshme formojnë një kontrast dallues me çatinë opsionale të zezë karboni dhe kapakun opsional të zi të motorit.

“Opel Mokka e re është tërheqëse, e guximshme dhe plot vetëbesim në çdo mënyrë. Ngjyrat mbresëlënëse në veçanti i përshtaten këtij karakteri në mënyrë të përkryer. Kjo është arsyeja pse ne projektuam ngjyrat e reja të kaltër Kolibri, të gjelbër Tropikal dhe gri Grafik Grey dhe i shtuam ato në ofertën tonë. Klientët tani mund të zgjedhin ngjyra të theksuara për Mokka-n e tyre që shprehin edhe personalitetin e tyre“, tha Nikola Kalabiq, udhëheqës i ekipit aktual të menaxhimit të SUV-ve.

Ngjyra të gjalla: përfundimet e reja theksojnë karakterin e guximshëm të Mokka-s

Opel Mokka guxon të jetë ndryshe që në shikim të parë. Vetë ngjyra e kaltër Kolibri, si standard, e bën Mokka-n e re absolutisht tërheqëse! Blerësit mund të zgjedhin ngjyrën blu të errët për çdo version të Mokka-s pa asnjë kosto shtesë. Nëse dëshironi të jeni pak më diskret, por po aq dallues, mund të zgjidhni ngjyrën gri Graphik, e cila nxjerr në pah konturet e Mokka-s së re. Për këtë dhe të gjitha ngjyrat e tjera, kërkohet pagesë shtesë prej 650 eurosh (çmimet për tregun gjerman). Ndërsa blerësit që duan të përcjellin idenë e lëvizshmërisë së qëndrueshme në një pamje të freskët dhe të re me Mokka-n e tyre mund të zgjedhin Tropikal-in e gjelbër. Ngjyra simbolizon qasjen “Greenovation” të Opel-it dhe në të njëjtën kohë zgjon dëshirën për vozitje sportive dhe efikase.

Mokka e re është efikase dhe kursen burime në shumë aspekte. Ne qëllimisht heqim dorë nga elementët e kromit dhe aplikimet e dizajnit në karroceri, ndërsa pjesa e brendshme përdor pëlhura dhe tapiceri të bëra nga materiale me përmbajtje të ricikluar. Për shembull, është në dispozicion një mbulesë e ulëseve e bërë nga materiali i ri ReNewKnit™.

Ajo përcjell pamjen e lëkurës me cilësi të lartë dhe është më e lehtë për t’u ricikluar. Blerësit e Mokka-s mund të zgjedhin të ngasin pa emetime me Mokka Electric tërësisht elektrik ose përkohësisht me Mokka Hybrid me teknologji 48 V. Sistemi i ri dixhital info-zbavitës plotëson përvojën e modernizuar të drejtimit të Mokka-s.

E pazakontë, origjinale dhe gjithmonë shumë efikase, përveç teknologjive të përparuara dhe një zgjedhjeje të motorëve, ngjyrat e reja dalluese kontribuojnë gjithashtu në këtë përvojë të Mokka-s.