Ndahen zyrtarisht çmimet “Rrota e Artë 2025”

Në një atmosferë solemne në manifestimin gala që u mbajt mbrëmë në restorantin Ragusa 360, u ndanë çmimet për veturat më të dëshirueshme në Maqedoni për vitin 2025, në kuadër të zgjedhjes së gjashtë me radhë “Rrota e Artë”. Ngjarja mblodhi edhe një herë aktorët kryesorë nga bota e automobilizmit dhe konfirmoi se kjo iniciativë po bëhet një traditë gjithnjë e më serioze në skenën automobilistike në Maqedoni.

Ceremonia e ndarjes së çmimeve, si çdo vit, ishte mbledhje e të apasionuarve të automobilizmit, gazetarëve dhe profesionistëve të industrisë, të cilët festuan këtë ngjarje që po kthehet në një traditë të vërtetë automobilistike në vendin tonë. Çmimet u dorëzuan nga organizatorët, ndërsa fitues të tyre ishin përfaqësues zyrtarë të importuesve të brendeve automobilistike.

Fituesit sipas kategorive për vitin 2025

Pas përfundimit të votimit u shpallën fituesit në këto kategori:

• Cupra Formentor – Makina më e dëshirueshme në Maqedoni (39% e votave)
• Audi A5 – Makina Premium më e dëshirueshme (35% e votave)
• Opel Grandland – Makina familjare më e dëshirueshme (27% e votave)
• Geely Coolray – Makina më e dëshirueshme e qytetit (24% e votave)
• Peugeot 3008 – Makina elektrike më e dëshirueshme (30% e votave)

Çmimet iu dorëzuan përfaqësuesve të importuesve zyrtarë për secilën prej markave fituese, në kuadër të ceremonisë zyrtare në Ragusa 360.

Këtë vit mirënjohje speciale “Rrota e Artë” – për Kontribut të veçantë në promovimin e Maqedonisë për personalitet që ka lënë gjurmë në industrinë e automobilave në mbarë botën, i takoi Filip Anaçkovskit, i cili ka qenë pjesë e ekipit të Rimac Automobili për shumë vite dhe është përgjegjës për prodhimin e hipermakinave në Bugatti Rimac.

“Rrota e Artë” është mënyrë unike për të zgjedhur makinën më të dëshirueshme përmes votimit të drejtpërdrejtë publik. Organizuar nga Auto Plus, media më e vjetër e automobilave në vend, me mbështetjen e CARClub, Cars by Vik, RPM dhe BinisInfo, përzgjedhja çdo vit merr interes dhe pjesëmarrje më të madhe.

Votimi u zhvillua nga 15 mars deri më 4 prill përmes platformës zyrtare www.zlatnotrkalo.mk, ku publiku pati mundësinë të votojë për të preferuarin e tyre në pesë kategori. Këtë vit janë mbledhur rekord 30.630 vota.

Me më shumë se 30.000 vota dhe përkrahje të fuqishme nga audienca, ky edicion i gjashtë i Rrotës së Artë tregoi edhe një herë se ka interes serioz për përzgjedhje në publikun e Maqedonisë. Kombinimi i zërit publik, prezantimit profesional dhe shikueshmërisë dixhitale e pozicionon manifestimin si lider në industrinë e automobilave në vend.

Me interesin në rritje nga audienca, si dhe numër në rritje të mbështetësve, Rrota e Artë po bëhet pikë referimi për shijen dhe preferencat e blerësve vendas. Përzgjedhja jo vetëm që mat pulsin e tregut të automobilave në Maqedoni, por gjithashtu ofron perspektivë të vlefshme se cilat marka dhe modele bëjnë vërtet përshtypje te audienca.