Markat kineze do të kenë një pjesëmarrje prej 33% në tregun botëror deri në vitin 2030
Çdo automobil i tretë i shitur në botë në vitin 2030 do të prodhohet nga një prodhues kinez i automobilave. Ky është një parashikim i ri nga ekspertët e industrisë që studiojnë kurbën e rritjes së Kinës.
Automobilat kinezë tashmë përbëjnë 21 për qind të tregut, por analistët presin që industria kineze të zgjerohet shpejt. Një pjesë e rritjes do të vijë në Kinë në llogari të markave perëndimore, me ç’rast markat vendase që do të përmirësojnë pjesëmarrjen e tyre nga 59 në 72 për qind.
Por, edhe më shqetësuese për të njëjtat marka perëndimore, pjesa më e madhe e shitjeve shtesë do të vijnë jashtë kufijve të Kinës. AlixPartners konsideron se shitjet e prodhuesve kinezë të bëra jashtë Kinës do të eksplodojë nga 3 milionë në vitin 2024 në 9 milionë deri në fund të dekadës.
Edhe pse taksat e reja doganore prej 100 për qind të vendosura nga administrata e Biden-it do të kufizojnë aftësinë e Kinës për të shtyrë në Amerikën e Veriut, ndërsa Japonia do të jetë gjithashtu e vështirë për t’u depërtuar, studimi parashikon se prodhuesit kinezë të automobilave do të dyfishojnë pjesëmarrjen e tyre në tregun evropian të automobilave në 12 për qind deri në vitin 2030 dhe do të rrisin pjesëmarrjen e tyre në tregun rus nga 33 për qind në 69 për qind.
Po pritet se shitjet në Lidhjen e Mesme dhe Afrikë të rriten nga 8 në 39 për qind, ndërsa dërgesat në Amerikën Qendrore dhe Jugore do të mund të rriteshin nga 7 në 28 për qind, shkruan CNBC.
Më pak kohë për zhvillim dhe përditësim më të shpeshtë
Marzhat më të larta tregtare që gëzojnë prodhuesit kinezë dhe strategjitë e tyre agresive të çmimeve janë të njohura mirë, por analistët kanë identifikuar përparësi të tjera të rëndësishme. Këto përfshijnë kohët e zhvillimit që janë gjysma e atyre të prodhuesve perëndimorë të automobilave dhe aftësia e Kinës për të rifreskuar modelet e saj më shpesh si rezultat i asaj.
“Markat kineze u japin më shumë vlerë karakteristikave që klientët mund të përjetojnë, siç janë dizajni dhe teknologjia në kabinë; ata janë të fokusuar në mënyrë të pamëshirshme në mirëmbajtjen e përparësisë së tyre në kosto edhe kur ndërtojnë fabrika jashtë shtetit; dhe ata kanë ndërtuar një epërsi të konsiderueshme në teknologjitë e reja – duke përfshirë edhe prodhimin e baterive”, thotë Andrew Bergbaum nga AlixPartners.
“Ato aftësi pushtuan Kinën dhe në fund do të përcaktojnë tregun global” shtoi ai.
