Bovensiepen Zagato është coupe GT luksoze e bazuar në BMW M4 me shije Alpina
Bovensiepen Zagato debuton në Villa d’Este: GT coupe luksoze me 611 kuaj fuqi e krijuar nga themeluesit e Alpina dhe Zagato, bazuar në BMW M4
Në eventin prestigjioz Concorso d’Eleganza Villa d’Este, publiku botëror pati mundësinë të shihte për herë të parë Bovensiepen Zagato – coupe GT të re, të ndërtuar me dorë, të krijuar në bashkëpunim midis familjes Bovensiepen (themeluesit e Alpina) dhe studios legjendare italiane të dizajnit Zagato. I bazuar në BMW M4 Coupe, ky model ekskluziv paralajmëron epokë të re për markën Bovensiepen, e cila synon të krijojë “makina të jashtëzakonshme që përcaktojnë artin e vozitjes së mirë”.
Dizajn që bashkon traditën dhe inovacionin
Zagato nënshkruan dizajn që është njëkohësisht i dallueshëm dhe inovativ – me një çati të dyfishtë të lakuar, karroceri aerodinamike të bërë pothuajse tërësisht nga karboni dhe elementë vizualë që të kujtojnë BMW i8 dhe Alpina. Vëmendja tërhiqet nga rrotat 20-inç, dritat e pasme LED me nënshkrim të hollë dhe mungesa e grilës kontroverse “me dy veshka” nga M4.
Enterieri është kombinim i sportivitetit dhe luksit, me zgjedhje prej 16 ngjyrash lëkure dhe 45 nuancash Alcantara, ndërsa enterieri plotësisht i personalizuar është në dispozicion përmes programit bespoke.
Mekanikë e fuqishme, me prekje individuale
Edhe pse nuk ka konfirmim zyrtar nëse M4 apo M4 Competition është përdorur si bazë, dihet se nën haube ndodhet një version i modifikuar i motorrit 3.0 litërsh me gjashtë cilindra në linjë me dy turbo me 611 kuaj fuqi dhe 700 Nm çift rrotullues. Përshpejtimi nga 0 në 100 km/orë zgjat vetëm 3.3 sekonda, ndërsa shpejtësia maksimale tejkalon 300 km/orë.
Karakteri i vozitjes përmirësohet më tej me amortizatorët Damptronic të zhvilluar nga Bilstein dhe sistemi i shkarkimit prej titaniumi nga Akrapovič, i cili peshon vetëm 22 kg – 40% më i lehtë se ai klasik.
Ekskluziviteti në nivel të ri
Dërgesat e para priten deri në fund të tremujorit të dytë të vitit 2026, ndërsa çmimi dhe numri i njësive do të zbulohen në tremujorin e fundit të vitit 2025. Është e sigurt se ky është një model ultra-ekskluziv i destinuar për entuziastët e vërtetë me xhepa të thellë.
Me Bovensiepen Zagato, ADN-ja e vjetër e Alpinës jeton në version të ri, edhe më mbresëlënës – si odë për dizajnin evropian, precizitetin dhe pasionin për vozitjen e makinës.
