Taksitë “pa shofer” të mundësuar nga AI, do të fillojnë operimin në Londër këtë vit
Wayve teston makina pa shofer me inteligjencë artificiale, me operator sigurie në bord dhe synime për prodhim masiv mes debatit për sigurinë rrugore
Në rrugët e Londër po testohen taksi pa shofer, të drejtuara nga inteligjenca artificiale, të cilat mund të fillojnë operimin që këtë vit.
Automjetet janë zhvilluar nga kompania britanike Wayve dhe lëvizin në trafik pa ndërhyrjen e duarve në timon.
Sistemi AI reagon në kohë reale ndaj semaforëve, këmbësorëve, biçiklistëve dhe kryqëzimeve, duke u përpjekur të imitojë mënyrën se si mendon një shofer njerëzor.
Si funksionon teknologjia dhe sfidat inxhinierike
Brenda makinës qëndron ende një operator sigurie, i gatshëm të ndërhyjë nëse është e nevojshme, sipas rregullave aktuale në Britani.
Drejtuesi i kompanisë, Alex Kendall, tha se drejtimi autonom është një nga sfidat më të vështira inxhinierike të kohës sonë.
Sipas tij, përdorimi i AI mund të bëjë të mundur prodhimin masiv të makinave që mund të drejtojnë kudo në botë.
Optimizmi për sigurinë dhe skepticizmi i shoferëve
Mbështetësit besojnë se këto automjete mund të rrisin sigurinë rrugore, pasi shumica e aksidenteve shkaktohen nga gabimet njerëzore.
Megjithatë, shumë shoferë tradicionalë mbeten skeptikë dhe mendojnë se qyteti nuk është ende gati për taksi plotësisht autonome.
