Lynk & Co 08 mbërrin në Maqedoni

Lynk & Co 08, SUV-i më i fundit dhe më i madh i kësaj marke të re por ambicioze, ka mbërritur në tregun e Maqedonisë. Modeli dallohet me një sistem të avancuar hibrid plug-in që kombinon një motor turbo-benzin 1.5 litra me një motor elektrik, duke ofruar në total prej 345 kuaj fuqi dhe pothuajse 600 Nm çift rrotullues.

Lynk & Co 08 bazohet në platformën CMA Evo – version tërësisht i rishikuar i arkitekturës CMA, në mënyrë që të përmbushë idealisht nevojat e SUV-it të madh dhe sistemit të tij të avancuar të drejtimit.

Me gjatësi prej 4.8 metrash, ky SUV premton një kabinë të bollshme dhe moderne, ndërsa brenda, Lynk & Co 08 paraqet një kabinë të orientuar drejt teknologjisë me një ekran qendror 15.4 inç dhe një panel instrumentesh dixhital 12.3 inç, duke ofruar një përvojë vërtet premium.

Falë baterisë së madhe me kapacitet prej 39.6 kWh, 08 mund të udhëtojë deri në 200 kilometra vetëm me energji elektrike, ndërsa në kombinim me motorin me benzinë, autonomia tejkalon lehtësisht 1,000 kilometra. Bateria mbështet karikimin e shpejtë DC (10–80% në rreth 30 minuta), si dhe karikimin AC me 11 kW.