Opel Grandland Electric AWD vendos standardin e ri EV

Opel Grandland Electric AWD ka bërë debutimin e tij zyrtar si modeli i parë tërësisht elektrik i markës me tërheqje në të gjitha rrotat. Me këtë, Opel vazhdon ofensivën e tij elektrike, duke sjellë performancë të lartë, efikasitet dhe siguri në një SUV me dizajn modern dhe teknologji të përparuar.

Fuqi, përshpejtim dhe distancë që frymëzon

Grandland Electric AWD i ri ka fuqi totale prej 239 kW (325 kf) dhe çift rrotullues prej 509 Nm, duke mundësuar përshpejtimin nga 0 në 100 km/orë në vetëm 6.1 sekonda. Falë baterisë litium-jon NMC 73 kWh, makina ofron distancë deri në 501 km (WLTP), dhe me karikues të shpejtë, bateria mund të karikohet nga 20% në 80% në më pak se 30 minuta.

Opel-i i parë elektrik me tërheqje në të gjitha rrotat

Në zemër të sistemit të ri me tërheqje në të gjitha rrotat janë dy motorë elektrikë – ai i përparmë me 157 kW (213 kf) dhe ai i pasmë me 82 kW (112 kf). Ato mundësojnë mënyra të ndryshme drejtimi të përshtatura për të gjitha kushtet:

• Normal – për efikasitet të përditshëm me përparësi motorin e përparmë
• 4WD – tërheqje e përhershme në të gjitha rrotat për mbajtje optimale në rrugë
• Sport – drejtim dinamik dhe sportiv me kontroll të saktë
• Eco – efikasitet maksimal me konsum të optimizuar

Inovacione në dizajn dhe teknologji

Opel Grandland Electric AWD veçohet me 3D Vizor në pjesën e përparme, emblemë të ndriçuar Opel Blitz dhe drita LED Intelli-Lux HD me mbi 50,000 elementë. Pjesa e pasme ka pamje moderne me mbishkrimin “OPEL” të ndriçuar, pa përdorimin e kromit. Parakolpët aerodinamikë dhe rrotat aerodinamike 20 inç e zvogëlojnë rezistencën e ajrit në një vlerë Cd vetëm 0.278, duke e bërë këtë Grandland-in më aerodinamik ndonjëherë.

Komoditeti dhe stabiliteti në një nivel të ri

SUV-i i ri i Opel vjen me teknologjinë e amortizimit selektiv të frekuencës, e cila përshtatet në mënyrë inteligjente me frekuencën e dridhjeve – duke ofruar rehati gjatë ngasjes në gropa, por edhe stabilitet sportiv me shpejtësi të lartë. Opel thekson më tej veçorinë e tij me akordimin e saktë të amortizatorëve, drejtimit dhe sistemit ESC.

Më shumë zgjedhje për çdo shofer

Me këtë model, Opel tregon se është gati të ofrojë një makinë elektrike për çdo stil vozitje dhe kushte rruge. Siç tha CEO Florian Hett, “me Grandland Electric AWD, klientët tanë marrin efikasitet maksimal, siguri dhe përvojë emocionuese pas timonit – pa kompromis”.