Cilat janë rregulloret e reja në Formula 1 për vitin 2026

Për të qenë përgjegjës për Formula 1 është sigurisht një punë e vështirë dhe e përgjegjshme. Duhet patjetër të siguroni sigurinë e makinave, shoferëve dhe tifozëve. Interesat e biznesit, si çdo sport, janë kryesorë për mbarëvajtjen e pandërprerë të punës. Duhet të tërhiqni prodhues të rinj motorësh dhe në të njëjtën kohë të siguroheni se ata aktualët nuk do të largohen.

Brengosja për mjedisin jetësor është theksuar më shumë tani se në cilëndo kohë në historinë e sportit. Dhe, ndoshta mbi të gjitha, ju keni një bazë fansash gjithnjë në rritje që dëshirojnë të shohin më shumë “spektakël”.

Derisa mund të debatojmë me ditë të tëra nëse FIA ​​po i arrin ato objektiva, spektakli sportiv – vetë veprimi i pistës – shpresojmë se po zgjidhet me një set të ri rregullash aerodinamike për vitin 2026, detajet e të cilave u publikuan këtë javë.

Qëllimi është të kihet, sipas fjalëve të FIA-s, një set “të shkathët, konkurrues, më të sigurt dhe më të qëndrueshëm” rregullash. Qëllimi kryesor i kësaj është të bëhen garat më afër. Ne dinim për formulën më të thjeshtësuar të motorit që do të hyjë në lojë në vitin 2026, por zbulimi i fundit është që për herën e parë të shohim hapa të rëndësishëm që i bëjnë organet drejtuese të sportit me dizajnin e shasisë së makinave.

Më shumë shkathtësi

Ndryshimi më i madh që do ta vëreni është janë makinat të cilat janë shumë më të vogla se ato që dalin. Drejtuesit dhe shikuesit ankohen se seti aktual i rregullave ka rezultuar me bolidë shumë të mëdhenj – një problem që është veçanërisht i dukshëm në disa nga pistat historike të Formula 1. Makinat më të vogla duhet të nënkuptojnë se është më e lehtë të parakalohet në pista më të ngushta, siç janë Monaco dhe Imola.

Sipas rregulloreve të reja të vitit 2026, baza maksimale e rrotave është zvogëluar për 200 mm në 3400 mm, ndërsa gjerësia është zvogëluar për 100 mm në 1900 mm.

Nuk është shqyrtuar vetëm madhësia e shasisë, por edhe gomat po bëhen më të vogla. Diametri i rrotave 18 inç do të mbetet i njëjtë, por gjerësia e gomave të përparme do të reduktohet për 25 mm, ndërsa të pasmet për 30 mm. Makinat gjithashtu do të jenë dukshëm më të lehta me një peshë minimale të reduktuar për 30 kg në 768 kg.

Më pak forcë shtytëse, aerodinamikë lëvizëse

Aero-rregulloret e reja do t’i thonë lamtumirë sistemit sportiv  Drag Reduction System (DRS), i cili përdoret për të aktivizuar një palosje në krahun e pasmë për t’u mundësuar makinave në distancë kohore prej një sekonde nga njëra-tjetra në një zonë të caktuar paraprakisht të parakalojnë më mirë në të drejtë.

Edhe pse elementi specifik DRS po zhduket, koncepti i aero-s aktive pranohet në masë të madhe. Makinat do të kenë krahë të lëvizshëm të përparmë dhe të pasmë që do të mund të hapen në të drejtë të për të mundësuar shpejtësi më të mëdha dhe të mbyllen gjatë frenimit për të rritur forcën në rënie. Për dallim nga DRS, aero-ja lëvizëse nuk do të përdoret si një ndihmë për parakalimin, pasi drejtuesit do të aktivizojnë sistemin kur të duan rreth pistës.

Ndërkohë, krahu i përparmë i makinës do të jetë më i ngushtë për 100 mm, ndërsa krahu i pasmë do të thjeshtohet me një dritë të poshtme më pak. Harqet e rrotave të përparme do të hiqen, ndërsa dyshemeja do të bëhet pjesërisht e rrafshët me një difuzor me fuqi më të vogël për të shmangur nevojën për instalime ultra të ngurtë që përdorin efektet e tokës.

Në përgjithësi, FIA thotë se rregulloret e reja do të zvogëlojnë forcën shtytëse për 30 për qind dhe atë të zvarritjes për 55 për qind.

Më shumë fuqi, ndihmë e re për parakalimin

Formula 1 përmend numrin e saj rekord të furnizuesve të njësive të fuqishme për sezonin 2026, i cili do t’i përfshijë Ferrari, Mercedes-AMG dhe Renault, ndërsa ata gjithashtu kanë arritur të rikthejnë edhe Honda-n (e cila do të jetë partner me Aston Martin), si dhe Audi që hyn me një ekip të plotë pune, ndërsa Ford u bashkua me motorët e Red Bull.

Pa dallim, një nga arsyet kryesore se pse sporti ka arritur të tërheqë kaq shumë furnizues është formula e thjeshtëzuar e motorit. Njësia e ndërlikuar MGU-H është zhdukur, ndërsa energjia elektrike nga sistemi hibrid do të rritet nga 120 kW (163 kuaj-fuqi) në 350 kW (475 kuaj-fuqi). Mungesa është se fuqia nga motori me djegie, i cili do të mbetet V6 1.6 litërsh, do të bjerë nga 560 kW (761 kuaj-fuqi) në 400 kW (544 kuaj-fuqi).

Edhe pse sistemi DRS është larguar, ka ende ndihmë për parakalimin, këtë herë në formën e një mënyre të re për të shpërndarë fuqinë elektrike të makinës. Edhe pse ende nuk është specifikuar, supozohet se do të funksionojë në një mënyrë të ngjashme, kështu që automjetet do të mund të zhbllokojnë rritjen shtesë të energjisë elektrike për një sekondë. Derisa makina përpara do të reduktojë përdorimin e energjisë elektrike mbi 290 km/h, shoferit të ardhshëm do t’i miratohet një përjashtim që siguron 350 kW (476 kuaj-fuqi) deri në 337 km/h.

Siguria dhe qëndrueshmëria

Shasia do të bëhet më e fortë nga viti 2026, me mbrojtje më të fortë të nevojshme për kafazet e sigurisë së shoferit dhe zonën e qelizave të karburantit. Dizajni i ri dyfazor në pjesën e përparme do të përmirësojë gjithashtu aftësinë e strukturës së qelizës së përparme për të qëndruar e ngjitur pas një goditjeje, duke ofruar mbrojtje shtesë.

Formula 1 do të kalojë gjithashtu në karburant plotësisht të qëndrueshëm, me ç’rast karburanti i zgjedhur do të mund të përdoret në çdo automjet me një motor me djegie të brendshme. Kjo është në përputhje me qëllimin e FIA-s për të arritur zero CO2 neto deri në vitin 2030.

Hapi i ardhshëm do të jetë që rregullat të ratifikohen nga World Motor Sport Council (Këshilli botëror i moto sportit) më 28 qershor.